Erlent | mbl.is | 8.8.2007 | 17:43

Öflugur jarðskjálfti á Indónesíu

Jarðskjálfti, sem mældist 7,3 stig á Richter, varð á hafsbotni við Indónesíu nú síðdegis. Mikil skelfing greip um sig í Jakarta, höfuðborg landsins, þar sem skjálftinn fannst vel. Ekki er vitað um tjón og ekki er talin hætta á flóðbylgju þar sem upptök skjálftans var á um 291 km undir hafsbotni.

Eftir mjög vel heppnaða heimsreisu í fyrra þá hef ég ákveðið að fara aftir í eina slíka í lok ágúst. Ég ætla að ferðast á staði sem ég hef aldrei komið til og kíkja einnig á rjómann af stöðunum sem ég fór til í síðustu ferð. Ég fer út 28. ágúst og þá byrja ég að blogga að viti. Fyrsta stopp verður Indónesía þar sem ég fæ að kynnast hvernig er að búa með sápuóperustjörnu, Já konan hans Péturs vinar míns er víst fræg sápuóperudrotting í Jakarta. Þau voru að fjárfesta í villu og í útjaðri Jakarta og hafa boðið mér að vera hjá þeim. Mér hefur alltaf langað til að hafa þernu til að stjana við mig og hvað þá tvær! Persónulega hefði ég látið eina duga en að hafa eina fyrir hverja hæð fyrir sig meikar samt alveg sens… er það ekki?